O gofio’r tywydd, daeth tyrfa sylweddol ynghyd ar gyfer y gweithdy tocio ar ddydd Sadwrn oer. Mae Martin Hayes wedi bod yn dylunio, plannu a thocio perllannau ers blynyddoedd lawer, ac mae galw mawr am ei ddull difyr ac uniongyrchol.
Parhaodd y gweithdai Gardd Gobaith am ddim gydag ymweliad â thyddyn Hanner Erw Stephanie Hafferty ger Llanbedr Pont Stefan. Yno dangosodd i’r gynulleidfa niferus amrywiaeth o lysiau bythol a rhai blynyddol yn ei gardd chokka.
Hwyrach am mai ychydig o westeion oedd yn y gweithdy yn Neuadd y Pentref, Cilgerran roedd yn gynhyrchiol iawn. Gwnaed llawer o waith, gan esbonio’r syniadau y tu ôl i’r man cymunedol mewn gardd goedwig bywyd gwyllt, sef yr Ardd Gobaith.