Cafodd Marianne a minnau y fraint o redeg gweithdy dylunio gardd ar gyfer Ysgol Cilgerran ddydd Gwener 20 Medi, gyda’r un grŵp ag a fû yn y gweithdy ID Bywyd Gwyllt. Roedd yna 16 ohonyn nhw o 7 i 11 oed.
Gyda chymorth byrddau hwyliau, gofynnwyd y cwestiwn beth sydd ei angen ar fywyd gwyllt mewn gardd, ac yna beth mae pobl eisiau a pha fwyd ddylem ei dyfu.
Llety gwych pum seren yn yr Ardd Gobaith
Roedd yn wahanol iawn i adael plant yn rhydd mewn cae gyda rhwyd a sbienddrych, ac roedd yn gryn dasg i gadw rhai o’r plant yn brysur ac wrth eu gwaith. Mae gen i barch anferth at athrawon a chynorthwywyr dysgu ar ôl drwy awr wedi ymlâdd.
Yr hyn oedd yn arbennig oedd yr amrywiaeth syniadau a dulliau. Roedd un o’r grwpiau y bûm yn gweithio gyda nhw yn gyffro i gyd gyda gwahanol agweddau (pont dros lyn bywyd gwyllt, cuddfan adar, to gwyrdd, man picnic…) ac roedd y creadigrwydd yn canolbwyntio ar y sgwrs yn hytrach na’r llun. Roedd grwpiau eraill yn gweithio gyda’i gilydd ar luniau lliwgar rhagorol, eraill yn gweithio ar eu pen eu hunain. Bydd y lluniau i’w gweld yn fuan ar dudalen yr oriel.
Gardd yn llawn coed, bwyd, cynefin a bywyd
Mae dylunio’r ardd yn dechrau o ddifri ym mis Hydref a’r tirweddu i fod ym mis Ionawr (yn ôl y tywydd!!) Bydd syniadau’r plant i gyd yn cael eu hymgorffori mewn rhyw ffordd, a bydd yn bleser mawr cael dangos y nodweddion pan fyddant yn ymweld.
Ar ddiwedd y sesiwn byddwn yn creu rhestr o syniadau. Rwy’n ysu am gael dechrau dylunio!
Bywyd Gwyllt
- Llyn x2
- Mur i chwilod
- Cedowydd
- Lloches i bryfed
- Tŷ adar
- Coetir
- Pistyll
Pobl
- Lle picnic x2
- Cuddfan adar
- Cwt
- Cromen – to gwair, muriau pren
- Caban a thŷ coed
- Hamog
- Pistyll
Bwyd
- Ceirios
- Afalau x3
- Mwyar duon
- Mefus
- Erin Mair
- Corn melys
- Gellyg
- Mafon